30 ദിവസം കഴിഞ്ഞിട്ടും വിവരം നല്കിയില്ലെങ്കില് ഒരു ദിവസത്തിന് 250 രൂപ നിരക്കില് ഉദ്യോഗസ്ഥനില് നിന്നും കമ്മീഷന് പിഴ ഈടാക്കാം.
സ്വത്തിനും ജീവനും ഭീഷണിയാകുന്ന വിവരങ്ങള് സംബന്ധിച്ച ചോദ്യങ്ങള്ക്ക് 48 മണിക്കൂറിനകം മറുപടി നല്കണം.
.ഡോ.കുര്യാസ് കുമ്പളക്കുഴി
(സ്റ്റേറ്റ് ഇന്ഫര്മേഷന് കമ്മീഷണര്)
. വിവരാവകാശ നിയമപ്രകാരം ലഭിക്കുന്ന അപേക്ഷകളില് പൊതുതാത്പര്യമില്ലെന്ന കാരണത്താല് വിവരം നിഷേധിക്കരുത്.
. ഇന്റലിജന്സ്, പ്രതിരോധം, വിദേശബന്ധങ്ങള് എന്നിവയുമായി ബന്ധപ്പെട്ട വിവരങ്ങള് നല്കേണ്ടതില്ലെന്ന് നിയമം അനുശാസിക്കുന്നുണ്ടെങ്കിലും ലോക്സഭയോ നിയമസഭയോ ആവശ്യപ്പെട്ടാല് കൊടുക്കാവുന്ന ഏതൊരു വിവരവും സാധാരണ വിവരവും സാധാരണ പൗരനും നല്കണമെന്ന് നിയമം നിര്ദേശിക്കുന്നുണ്ട്.
. അപേക്ഷകന് ആവശ്യപ്പെടുന്ന രീതിയില് സാധാരണ പോസ്റ്റിലോ രജിസ്റ്റേര്ഡ് പോസ്റ്റായോ/മറ്റ് വിധേനയോ മറുപടി നല്കണം.
. ഓഫീസ് പ്രവര്ത്തനം തടസ്സപ്പെടുന്ന രീതിയിലോ ജീവനക്കാരുടെ കുറവ് മൂലമോ വിവരങ്ങള് പഴയ ഫയലുകളില് നിന്നും ശേഖരിക്കാന് തടസ്സമുണ്ടെങ്കില് അപേക്ഷകനോട് നേരിട്ടെത്തി വിവരം ശേഖരിക്കാന് ആവശ്യപ്പെടുകയും ഇതിനുള്ള സഹായം നല്കുകയും വേണം.
. 30 ദിവസം എന്നത് ഓഫീസില് നിന്നും മറുപടി അയക്കുന്നതിനുള്ള കാലാവധിയാണ്, അപേക്ഷകന് മറുപടി കിട്ടേണ്ട കാലാവധിയല്ല.
. ദാരിദ്ര്യരേഖക്ക് താഴെയുള്ള അപേക്ഷകരില് നിന്നും പകര്പ്പെടുക്കുന്നതിനും മറ്റു കാര്യങ്ങള്ക്കും ഫീസ് ഈടാക്കരുത്.
. എല്ലാ അപേക്ഷകളിലും പബ്ലിക് ഇന്ഫര്മേഷന് ഓഫീസര് മാത്രമേ ഒപ്പിട്ട് മറുപടി നല്കാവൂ. പി.ഐ.ഒ അവധിയിലാണെങ്കില് മാത്രം അസി. പബ്ലിക് ഇന്ഫര്മേഷന് ഓഫീസറെ ഇക്കാര്യത്തില് ചുമതലപ്പെടുത്താം.
. 30 ദിവസം കഴിഞ്ഞിട്ടും വിവരം നല്കിയില്ലെങ്കില് ഒരു ദിവസത്തിന് 250 രൂപ നിരക്കില് പരമാവധി 25000 രൂപ വരെ ഉദ്യോഗസ്ഥനില് നിന്നും കമ്മീഷന് പിഴ ഈടാക്കാം.
 |
| മലപ്പുറം ജില്ലയിലെ വിവിധ ഓഫീസുകളിലെ പബ്ലിക് ഇന്ഫര്മേഷന് ഓഫീസര്മാര്ക്കും അപ്പീല് അധികാരികള്ക്കുമായി നടത്തിയ പരിശീലനത്തില് സ്റ്റേറ്റ് ഇന്ഫര്മേഷന് കമ്മീഷണര് ഡോ.കുര്യാസ് കുമ്പളക്കുഴി പ്രസംഗിക്കുന്നു |
. അപൂര്ണവും അവ്യക്തവുമായ അപേക്ഷകള്ക്ക് അനുഭാവപൂര്വം വ്യക്തമല്ലായെന്ന് മറുപടി നല്കുകയോ കഴിയുമെങ്കില് നേരിട്ടെത്തി വിശദമാക്കാനും ആവശ്യപ്പെടാം.
. ഒരു വ്യക്തിയുടെ അപേക്ഷ സംബന്ധിച്ച് മറ്റൊരു വ്യക്തി വിവരം ആവശ്യപ്പെട്ട് അപേക്ഷിച്ചാല് പൊതു താല്പര്യമര്ഹിക്കുന്ന വിഷയമാണെങ്കില് മറുപടി നല്കാം.
. സ്വന്തം ഓഫീസ് പരിധിക്കുള്ളിലല്ലാത്ത വിവരം ആവശ്യപ്പെട്ടാല് വിവരം ലഭ്യമാകുന്ന ഓഫീസ് മേധാവിക്ക് അഞ്ച് ദിവസത്തിനുള്ളില് അപേക്ഷ കൈമാറണം.
. അപേക്ഷകന് തെറ്റായ മേല്വിലാസമാണ് അപേക്ഷയില് സൂചിപ്പിക്കുന്നതെങ്കില് വിവരങ്ങള് ലഭ്യമാകാത്തതില് പബ്ലിക് ഇന്ഫര്മേഷന് ഓഫീസര് ഉത്തരവാദിയല്ല.
. സ്വത്തിനും ജീവനും ഭീഷണിയാകുന്ന വിവരങ്ങള് സംബന്ധിച്ച ചോദ്യങ്ങള്ക്ക് 48 മണിക്കൂറിനകം മറുപടി നല്കണം.
.
(മലപ്പുറം ജില്ലയിലെ വിവിധ ഓഫീസുകളിലെ പബ്ലിക് ഇന്ഫര്മേഷന് ഓഫീസര്മാര്ക്കും അപ്പീല് അധികാരികള്ക്കുമായി നടത്തിയ പരിശീലനത്തില് നടത്തിയ പ്രസംഗത്തില് നിന്ന്)
No comments:
Post a Comment